Служба падтрымкі кліентаў Сеткі АЗС: 6-431-431

Новае абсталяванне

1.9.20 15.21

У «Беларуснафце» абнаўляюць парк тэхнікі для падземнага рамонту свідравін.

Ён папоўніўся двума агрэгатамі БАРС-50. Яшчэ дзве адзінкі такой тэхнікі ва Ўпраўленні па павышэнню нафтааддачы пластоў і рамонту свідравін увялі ў эксплуатацыю ў мінулым годзе.

Новыя пад'ёмнікі адпавядаюць тэхніка-тэхналагічным патрабаванням сучасных рамонтных работ у «Беларуснафце». Яны адначасова валодаюць высокай мабільнасцю, неабходнай надзейнасцю і грузападымальнасцю.

Па словах спецыялістаў, пры выкананні аперацый скарачаецца час рамонту свідравін, мантажу-дэмантажу абсталявання, а таксама транспартныя выдаткі. Устаноўка абсталявана выносным пультам кіравання, таму пры складаных работах кантроль спускапад’ёмных аперацый можа перайсці ад машыніста пад'ёмніка да бурыльшчыкаў.